BUTUAN CITY – Gipahayag ni Senator Erwin Tulfo nga iduso sa minority bloc ang mas estriktong pagpangutana sa nahitabong pinusilay sulod sa senado dili lang mahitungod sa panghitabo mismo kundi lakip na sa matud pa kakulangon sa transparency ug sa mga institusyon.
Sumala ni Tulfo, kunahanglang maimbestigahan og tarung ang insidente aron maklaro kung unsa gayud ang nahitabo ilabina kay dunay managlahing bersyon gikan sa nagkadaiyang panig.
Dugang pa sa senador nga gibutyag sa mayora nga dili kini stage o palabas, samtang dunay nagbutyag nga planado kini og bisan ang National Bureau of Investigation (NBI) nagsulti nga wala sila misulong rasong kinahanglan mapasabot kini tungod kay gipaabot sa publiko ang kamatooran.
Usa usab sa iyang ipangutana ang matud pa pagbalibad sa Senado nga dawaton ang suspensyon kang Senate Sergeant-at-Arms Mao Aplasca ug ang subpoena para sa CCTV footage sa insidente gikan sa Office of the Ombudsman.
Sumala pa niini nga makauulaw kung dunay subpoena ug imbestigasyon apan dili makig-kooperar ang senado nga unta musunod kini sa balaod.
Pamugos pa niini nga dapat ihatag ang CCTV footage aron hingpit nang moaginod ang imbestigasyon.
Gikuwestyon usab sa senador ang matud pa warning shot nga miabot sa 27 ka buto ug nganu matud pa nga ang mga ebidensya pulos anaa sa panig sa Senado ug walay gikan sa pikas panig.
Nahisgutan usab ni Tulfo nga dapat tugutan ang media nga maka-cover sa insidente aron mas klaro ang panghitabo.
Sa katapusan, gibarugan sa senador nga daghang pangutanan ang kinahanglang tubagon og dapat magpadayon ang parallel investigation sa Department of Interior and Local Government ug uban pang ahensya.
