BUTUAN CITY – Subling atangan sa mga motorista ang mixed movements sa presyo sa mga produktong petrolyo sunod semana.
Sigon ni Department of Energy-Oil Industry Management Bureau Director Rino Abad, mahimong musaka ang presyo sa gasulina ug kerosene tungod sa mga indikasyong gipakita niini ning nakalabay’ng tulo o upat ka mga adlaw.
Alang sa diesel, mahimong mu-ubos kini sa gamayng kantidad, o mamahimo usab kining magpabilin sa kasamtagang presyo.
Sumala usab sa ubang oil industry, mahimong mu-ubos ang diesel og 28-sentabos matag-litro samtang ang gasolina, mahimong musaka og 91-sentabos kada-litro samtang 1.38 usab sa matag-litro sa kerosene.
Ang gibana-banang price adjustments, mahimo pang ma-usab depende sa resulta sa oil trading gahapon ug karong adlawa.
