BUTUAN CITY – Laumang mosaka na usab ang presyo sa nag-unang palaliton sa umaabot nga mga adlaw human usab ang pagsutoy sa presyo sa produktong petrolyo.
Gibutyag ni Gay Tidalgo, regional director sa Department of Trade and Industry kon DTI-Caraga sa eksklusibong pakighinabi sa Bombo Radyo Butuan, ang produktong petrolyo deregulated na base sa nakalatid sa Oil Deregulation law rasong dili usab makontrola ang presyo niini.
Apan gi-angkon ni Tidalgo nga sa panahong dunay paglihok ang presyo niini, duna usab kini epekto sa nag-unang palaliton.
Sa pagkakarun, wala pa’y pagsaka sa presyo sa mga prime commodities diin anaa pa kini sa suggested retail prize kon SRP apan gilaumang sa musunod nga mga adlaw, musaka na ang presyo sa mga nag-unang palaliton tungod sa domino effect nga hatud sa bigtime oil price hike.
Sigon sa opisyal, ang ilang mga head officials sa kauluhan, buhatan makig-dayalogo sa mga manufacturers tungod kay kini ra man ang dunay control sa mga nag-unang palaliton.
Gibutyag pa ni Tidalgo nga dinhi sa Caraga, ang mas maayong buhaton mao ang pagpangita og band-aid solution sa hilabihan kataas nang presyo sa gasolina, sama sa pakigtagbo sa mga membro sa Local Price Coordinating Council ngadto sa mga manufacturers o mga negosyante.
Alayon niini, padayon ang paghatag og tabang sa DTI-Caraga ngadto sa mga gagmay’ng negosyante ilabina kadtong naapektuhan ni Bagyong Oddette.
Sa Surigao Del Norte muabot sa 4-mil 500 ka mga MSME’s ang na profile diin gisugdan na niadto pang Disyembre ang paghatag sa starter kits aron makabalik sa ilang pagnegosyo.
Karung Huwebes usab personal niyang lantawon ang pag-apod-apod sa starter kits didto sa Carmen, Surigao Del Sur.
Gibutyag usab ni Tidalgo nga nakadawat na silang notice nga ipahunong ang ilang paghatag sa starter kits sugod karung Marso 25 alayon sa ipatuman nga election ban butang nga gipaningkamotan sa ilang kauluhang opisina nga makakuha og exemption.
