BUTUAN CITY- Masinati na ugmang adlawa ang gamay nga pagkunhod sa presyo sa mga prudoktong petrolyo, samtang adunay pagsaka usab sa presyo sa liquefied petroleum gas kon LPG, sumala sa Department of Energy kon DOE.
Ang gasolina adunay pag-ubos og 73 sentabos matag litro, 60 sentabos usab matag litro ang diesel, ug ingon man ang kerosene P2.09 kada litro nga pag-ubos.
Sa laing bahin, mosaka og hangtod P3.67 matag kilo ang LPG o bugti sa P40.38 alang sa 11-kilogram nga tangke sa bulan sa Agosto.
Sigon sa DOE, ang mga pagbag-o sa presyo gibase sa lihok sa global oil market ug sa nagpadayon nga tensyon sa Middle East, nga nakaapekto sa suplay ug presyo sa lana sa tibuok kalibotan.
Nagpadayon usab ang ahensya sa pagmonitor aron masiguro ang igo nga suplay sa petrolyo ug mapanalipdan ang mga konsumidor batok sa kalit nga pag-usab sa presyo sa internasyonal nga merkado.
