BUTUAN CITY – Hingpit nang na-claim kaganinang buntag sa tulo ka mga area winners sa Bombo Radyo Butuan ang ilang nadag-ang ganti atol sa grand draw sa Buena Mano Salvo Year 15 Promo.
Dinhi sa Bombo Radyo Butuan, tumang kalipay ang gibati ni Nimfa Nalogon, residente ug kapitan sa Brgy. Tagabaca ning siyudad sa Butuan human na-claim ang iyang nadag-ang 5-mil pesos isip third prize area winner kondiin gibutyag niining dakong tabang na sa mga entrante ang mga madag-ang ganti sama sa iyang nadag-an.
Susamang mga pulong usab ang gipa-abot ni Barcelita Pepino sa Purok 5, Brgy. Ampayon ning siyudad human nadawat ang 10-mil pesos niining ganti isip nga ikaduhang area winner sa maong promo.
Pinakamalipayon nga nag-claim kaganina si Tessie Malabon sa Purok 4, Brgy. Doongan tungod kay 15-mil pesos ang iyang nadag-ang ganti. Hugot ang iyangpagpasalamat sa Kahitas-an ingon man sa Bombo Radyo ug sa mga sponsors nga maoy nahimong dalan sa nasakmit niyang kada-ugan.
