BUTUAN CITY – Nagpublisar si United States President Donald Trump og taas nga social media post nga nagpunting kang Pope Leo XIV ug nagtawag kaniya nga trrible alang sa foreign policy dayong akusa sa Santo Papa nga nag-cater ngadto sa radical left.
Ang pinasahing pagbatikos ngadto sa simbahang Katoliko misunod sa pamahayag ni Pope Leo, ng n ag-awhag sa pagtapos na sa giyera dayoing saway sa gihulagway niya nga “delusion of omnipotence” atol sa usa ka prayer service kagahapon.
Bisan og wala niya gi-mention si Trump, ang mensahe maklarong direktang pahinungod ngadto kang Trump ug ubang mga US officials, nga nagpasigarbo sa kakusog sa ilang US military ug mi-justify sa giyera sa relihiyusong termino.
Pagyawyaw pa ni Trump sa Social Truth, dili siya gusto og Santo Papa nga maghuna-huna nga okey lang alang sa Iran ang pagbaton og usa ka armas nukleyar. Gipakapinan pa usab niya kini og mga pulong nga angayang hi-usahon sa Santo Papa ang iyang lihok, gamiton ang sentido komon ug ihunong ang pag-cater sa radical left ug tutukan ang pagkahimong usa ka Great Pope, ug dili ang pagka-politiko.
Gi-angkon pa ni Trump nga si Pope Leo, kinsa nahimong unang US-born pontiff ning mi-aging tuig, naka–utang kaniya og kabubut-on sa iyang trabaho.
Paghinambog pa ni Trump, nabutang sa taas nga pwesto si Pope Leo tungod kay siya usa ka Amerikano ug nagtuo matud pa ang simbahan nga ang pagtudlo kaniya sa taas nga posisyon sa simbahan ang pinakamaayong paagi aron makapaduol kaniya.
Kung wala matud pa siya sa White House, wala usa’y Pope Leo sa Vatican.
