BUTUAN CITY – Gikumpirma sa World Health Organization kon WHO nga ang outbreak sa MV Hondius adunay kalabutan sa usa ka talagsaon nga variant sa makamatay nga Hantavirus.
Ang Andes strain sa Hantavirus, nga gikan sa South America — ilabina sa Argentina ug Chile nailhang strain nga makatakod gikan sa tawo ngadto sa tawo, sumala sa Centers for Disease Control and Prevention.
Ang cruise ship nga adunay hapit 150 ka mga pasahero nagsugod sa biyahe sa Argentina kansa adunay walo ka gisuspetsahang kaso nga nalambigit sa barko, ug tulo niini gikumpirma pinaagi sa laboratory testing nga Hantavirus.
Sumala sa World Health Organization, labing menos tulo ka pasahero na ang namatay hangtod karon.
Ang Hantavirus usa ka makatakod nga sakit nga kasagarang mokatap pinaagi sa kontak sa mga ilaga sama sa deer mice, cotton rats, rice rats ug white-footed mouse ug kasagaran mitakod sa tawo kung mapaakan sila o makontak ang ihi, hugaw, o laway sa natakdan nga ilaga.
Apan sa Andes strain, ang pagtapok sa virus mahimong gikan sa tawo ngadto sa tawo pinaagi sa duol ug dugay nga kontak sa unang yugto sa sakit, kondiin mas dali pa kini matakod.
