BUTUAN CITY – Init nga nagtinubagay sa plenaryo sa House of Representatives kaganina ang duha ka mga neophyte lawmakers gikan sa Batangas nga sila Rep. Leandro Leviste ug Rep. Ryan Recto.
Kini human nang isog nga panawagan ni Leviste nga imbestigahan ang koneksiyon matud pa ni Executive Secretary Ralph Recto kang Construction Workers Solidarity Rep. Edwin Gardiola kinsa nalambigit sa kontrobersyal nga “flood control scandal.”
Kini gawas pa sa dako kaayo matud pa nga pundong gigamit sa mga Recto sa May 2025 elections sa Lipa City.
Dali kining gitubag ni Rep. Ryan Recto dayong depensa sa iyang amahan batuk sa maong pasangil.
Gikwestyon pa niini ang motibo ug basehan ni Leviste sa maong isyu dayong panghimakak sa mga akusasyon ug gipamugos nga “purely professional” lang ang koneksyon sa iyang amahan ngadto kang Gardiola.
Ang ilang tinubagay naghatag og init nga tensyon sulod sa plenaryo ug nagbahad og mas lawom nga binanggay tali sa mga bag-ong henerasyon sa mga magbabalud gikan sa Batangas.
