BUTUAN CITY – Gitaho sa Philippine Statistics Authority (PSA) nga mipaspas pa sa 7.2% ang natalang inflation rate o lebel sa pagtaas sa katibuk-ang presyo sa mga palaliton og serbisyo sa nasud niadtong Abril sa kasamtangang tuig.
Gipahayag ni PSA USec. Claire Dennis Mapa nga kini na ang pinakapaspas nga inflation nga natala sa nakalabay nga tulo ka tuig o gikan niadtong Marso 2023 nga anaa sa 7.6%.
Gipasabot ni USec. Mapa nga ang nag-unang nakatampo sa pagsutoy sa inflation niadtong nakalabay nga buwan tungod sa pagtaas sa presyo sa mga pagkaon ug lana.
Pinakadakong contributor sa pagtaas sa inflation sa food items ang bugas nga dako ang gisaka, gisundan sa isda ug karne.
Pag-abot usab sa transport, mitaasm sa 124% ang presyo sa diesel samtang ang gasolina misaka sa 60.5%.
Samtang, ang inflation niadtong Abril milapas sa forecast sa Bangko Sentral ng Pilipinas nga anaa tali sa 5.6% ug 6.4%.
Bisan paman mas taas kini sa 2% hangtud 4% nga target sa gobyerno.
