BUTUAN CITY – Gi-angkon sa Hezbollah ang responsibilidad alang sa 26 ka pag-atake, Biernes sa maong nasud lakip na ang duha ka targets sulod sa Israel alang sa pinaka-unang higayon sukad sa ceasefire agreement.
Ang pag-atake sa military base sa Israel nagmarka sa unang higayon nga ang militanteng grupo nga gisuportahan sa Iran, miangkon sa publiko nga sila ang mibuhat sa cross-border strike sukad niadtong tunga-tunga sa Abril diin gimando ang ceasefire.
Sa nahimong pamahayag, gibutyag sa Hezbollah nga target nila ang Israeli military base sa siyudad sa Nahariya.
Naglusad usab kini og atake sa Meron military base, diin sumala sa Israeli military nakakumpiska sila og ubang mga missiles.
Naglusad usab ang Israel og pag-atake batuk sa Hezbollah sa south Lebanon diin gitarget ang kapin 85 ka lugar nga nagkutay sa grupo sulod sa 24 oras. Sa maong pag-atake 16 katawo, lakip na ang 4 ka bata ang napatay samtang 54 ang samaron sumala sa Lebanon’s health ministry.
Gitaho a Lebanon’s National News Agency (NNA) ang daghang airstrikes sa habagatan lakip na sa Nabi Sheit area sa sidlakan sa Bekaa Valley.
Ang Israel og Hezbollah nag-akusar sa matag-usa nga nakalapas sa gilugwayan nga ceasefire deal tali sa Israel og Lebanon.
