BUTUAN CITY – Nanumpa na si Laura Fernandez isip bag-ong presidente sa Costa Rica ug misaad nga pakusgon ang kampanya batok sa nagkadaghang krimen sa nasod, samtang ipadayon usab ang suod nga relasyon niini sa Estados Unidos.
Gipildi ni Fernandez ang daghang kandidato sa eleksyon niadtong Pebrero 1 aron mopuli kang outgoing President Rodrigo Chaves, kinsa suod nga kaalyado ni United States President Donald Trump.
Sa dili kasagarang lakang, magpabilin si Chaves sa gobyerno isip dual minister sa presidency ug finance, nga nagpasabot nga dako gihapon ang iyang impluwensya sa bag-ong administrasyon.
Aron ipakita usab ang padayon nga suod nga relasyon sa US, gitudlo ni Fernandez ang iyang second vice president nga si Douglas Soto isip ambassador sa Washington.
Mitambong sa inagurasyon si Kristi Noem, ang nangulo sa militaristic approach sa Amerika ngadto sa Latin America nga gitawag og “Shield of the Americas.”
Lakip sa mitambong si Isaac Herzog isip kabahin sa paningkamot sa Israel nga palig-onon ang relasyon niini sa rehiyon taliwala sa politikal nga epekto sa gubat sa Gaza Strip.
