BUTUAN CITY – Gidis-armahan na sa Butuan City Police Office ang usa ka babayeng pulis nga nagpositibo sa ginadiling druga human ang gipahigayong random drug test sa mga sakop sa PNP Regional Crime Laboratory niadtong Septembre 7 ngadto sa 24 ka mga sakop sa Butuan City Mobile Force Company nga na-assign sa Bancasi checkpoint.
Sa eksklusibong pakighinabi sa Bombo Radyo Butuan, gipadayag ni Butuan City Police Office spokesperson PMajor Emerson Alipit nga gipa-ilalom pa sa confirmatory test ang drug test result sa pulis nga si Patrolwoman Kizea Kaye Golindang apan positibo gihapon kini sa maong epektos.
Alayon niini, gikostudiya na siya sa holding area sa Police Regional Office kon PRO-13 samtang gihatagan og 15 ka adlaw aron i-challenge ang maong drug test result.
Giklaro usab ni Major Alipit nga dismissal from service ang silot nga atubangon sa maong kalapasan ug kasuhan pa usab kini og grave misconduct subay na sa mas gipakusgang Internal Cleansing Policy ni Philippine National Police kon PNP Chief Director General Guillermo Eleazar.
