BUTUAN CITY – Gisugdan na sa gobyerno ang pagtukod og kaugalingong strategic petroleum stockpile sa Pilipinas human maapektuhan ang suplay ug presyo sa lana tungod sa tensyon sa Middle East.
Sigon ni Energy Secretary Sharon Garin, ang giyera tali sa Iran ug Estados Unidos nagpakita og kakuyaw alang sa mas lig-on nga energy security sa nasud nga naglaum sa imported nga lana.
Sa ilalom sa plano, itukod ang mga pasilidad sa Philippine National Oil Company (PNOC) aron mag-pondo og reserbang lana nga molapas sa kasamtangang imbentaryo sa mga pribadong kumpanya.
Tumong niining makahatag og dugang buffer sa supply sa nasud sa oras sa krisis.
Gibana-banang muabot sa 500,000 barrels ang unang stockpile nga dunay kantidad nga 5 bilyones pesos lakip na ang pagtukod sa mga tangke, pipeline, pantalan, ug uban pang pasilidad.
Sumala sa DOE, nakig-alayon na usab ang gobyerno sa PNOC ug Maharlika Investment Corp. aron matapos ang kasabutan sulod sa buwan, human sa feasibility study ug site evaluation.
Plano usab sa gobyerno nga padak-on ang reserba aron madugangan ang kasamtangang 30 hangtud sa 60 ka adlaw nga imbentaryo sa mga pribadong kumpanya, ug magdugang og kapin 30 ka adlaw nga buffer stock.
