BUTUAN CITY- Gideklarar sa Commonwealth of Pennsylvania ang Hulyo 24 isip “LeBron James Day” alang sa pagpasidungog sa adlaw sa pagpirma ni LeBron James sa iyang duha ka tuig nga kontrata nga nagkantidad og $8 milyon uban sa Philadelphia 76ers.
Sa gipagawas nga proklamasyon ni Governor Josh Shapiro, gipasidunggan ang talagsaong karera sa NBA superstar, lakip na ang iyang upat ka NBA championships, pagka-all-time leading scorer sa liga, daghang MVP awards, tulo ka Olympic gold medals ug 22 ka All-Star selections.
Gidayeg usab sa gobernador ang daghang proyekto ni LeBron alang sa edukasyon, scholarship, kabalayan, pagkaon ug serbisyo panglawas nga nakatabang sa liboan ka kabatan-onan ug pamilya.
Sumala sa proklamasyon, ang iyang mga nahimo sulod ug gawas sa basketball maoy hinungdan sa maong espesyal nga pag-ila, samtang giandam usab niini ang bag-ong kapitulo sa iyang karera uban sa Philadelphia 76ers.
