BUTUAN CITY – Misaka na sa labing menos 19 ang namatay tungod sa magnitude 7.8 nga linog nga mi-igo sa probinsya sa Sarangani kaganinang buntag, base sa pinakabag-ong taho sa National Disaster Risk Reduction and Management Council o NDRRMC.
Sa ilang ulahing report nga gipagawas as of alas-4:00 ning hapona, gibutyag sa NDRRMC nga sa 19 ka namatay, 16 niini gikan sa SOCCSKSARGEN o Region XII samtang tulo gikan sa Davao Region o Region XI.
Sa 16 ka namatay sa SOCCSKSARGEN, napulo gikan sa General Santos City, tulo gikan sa Glan, duha gikan sa Tupi ug usa gikan sa Malapatan.
Samtang mi-abot usab sa 147 ka mga tawo ang angol kondiin 142 niini gikan sa SOCCSKSARGEN ug lima gikan sa Davao Region.
Gawas niini, nakatala usab ang ahensya og 3 ka tawo nga missing General Santos City human sa maong linog.
