BUTUAN CITY – Gikatakda nang i-discharge gikan sa COVID-19 facility sa Agusan del Sur ang tulo nila ka mga COVID-19 positives human nga nagnegatibo na sa duha nila ka gipa-ilawmang confirmatory swab tests.
Mapasigarbuhon kining gitaho ni Governor Santiago Cane Jr. sa eksklusibong pakighinabi sa Bombo Radyo Butuan ilabina nga ang maong mga pasyente didto nila gibutang sa qurantine facility nga duna’y hot-steam facility aron makatu-ob ilabina nga wala sila’y gi-inom nga tambal.
Gawas nga kada-adlaw kini nilang gi-monitor, libre usab ang ilang pagkaon apil na ang mga gamit nga pangtulog ug ubang facilities samtang nagpa-ayo sa ilang na-angkong coronavirus.
Sa eksklusibong pakighinabi sa Bombo Radyo Butuan, gipadayag ni Governor Sante Cane nga ang wala lang maka-avail sa ilang hot-steam facility mao kadtong ilang gipa-istar sa hotel nga dili nila mabutangan sa maong pasilidad gumikan kay pribado man kini.
