-- ADVERTISEMENT --
BUTUAN CITY – Mipalag si Pangulong Rodrigo Duterte human siya gitandi sa iyang mga kritiko ngadto kang Russian President Vladimir Putin sa mga kasong war crimes ug crimes against humanity nga iyang gi-atubang sa International Criminal Court kon ICC.
Sa iyang pagbisita ning siyudad sa Butuan kagabii alang sa Joint National and Regional NTF-ELCAC-13 meeting, klaro niining gipadayag nga ang iyang mga gipapatay pulos nalambigit sa ilegal nga druga nga sagbot sa katilingban kumpara kang Putin nga mga inosenteng sibilyan ug mga bata kansa wala matud pa niya mahimo.
Aminado ang Pangulong Duterte nga managhigala sila ni Putin apan ang nahitabo karon sa Ukraine angayan lang kondenahon.
