BUTUAN CITY – Dakong kakurat sa amahan ni Cdt 1stCL Kim Harold Gilo sa dihang nahibaloan niining top 3 ang iyahang anak sa 2024 graduating class sa Philippine Military Academy kon PMA.
Sigon ni Fire Inspector Florentino Gilo Jr., wala matud pa sila mag dahom sa kalampusang nasakmit sa ilahang anak tungod kay isip uniformed personnel, nasayod man siya kon unsa kalisod ang agihan sa mga estudaynte sa Philippine Military Academy. Apan dili na matud pa kini ikatingala sanglit nasayod man ang maong opisyal nga pokus gayod sa pageskwela ang iyahang anak ingon man mahinadlokon usab kini sa Dios.
Saysay sa proud nga amahan nga nibati lamang siya og kabalaka tungod kay dili matud pa kusganon sa pisikal nga aspeto si Kim, dugang pa, napasubo lamang kini nga mo sulod sa maong akademya tungod kay sa ilahang duha sa iyang maguwang, siya man ang naka pasar sa physical examination sa Manila.
Parehas matud pang naka pasar sa Philippine National Police Academy si Kim ug ang magulang niini human nga ning exam sila sa maong akademya tungod sa kalangan sa resulta sa Philippine Military Academy.
Dugang sa amahan nga mas nisamot pa ang iyang kabalaka nga nahibaw-an na lamang nila nga nagpunay diay ug hilak ang iyahang anak sulod sa PMA tungod kay halos dili niini makaya ang piskal nga aspeto. Apan dakong pasalamat niini nga mas nahibalo siya nga makaya ra ni Kim Harold ang academic aspect tungod kay daan naman kining academic achiever sugod pa lamang sa elementarya.
Alayon niini, doble ang pagmaya sa pamilyang Gilo tungod kay bag-ohay pa lamang nga ning gradwar sa Philippine National Police Academy ang maguwang ni Cdt 1stCL Kim Harold ning nakalabayng bulan sa Abril, butang nga gipasalamatan og dako ni Fire Inspector Florentino Gilo Jr. sa kahitas-an.
