BUTUAN CITY- Masaligon ang Department of Education (DepEd) nga maka-abot og gikan 26 milyon hangtud 28 milyon ka mga estudyante ang mosulod karon nga school year 2026-2027.
Sumala ni Assistant Secretary Jocelyn Andaya, aduna silay igo nga teaching ug non-teaching personnel sa public elementary ug secondary schools alang sa nasangpit nga ihap sa mga magtutunghal.
Adunay pipila ka mga skwelahan ang kuwang sa mga maestra samtang adunay uban usab nga nanumbra.
Base sa ilang teacher-to -student ratio adunay usa ka maestra matag 35 ka mag-estudyante sa elementary samtang sa sekondarya adunay usa ka magtutudlo matag 45 ka magtutungha.
Samtang ang mga classroom ratio adunay usa matag 32 ka estudyante sa elementary; usa ka classroom matag 39 sa junior high school ug usa usab sa 36 ka estudyante alang sa senior high school.
