BUTUAN CITY- Misaka ang total external trade sa Pilipinas niadtong Abril og 16.1%, base sa preliminary data nga gipagawas sa Philippine Statistics Authority kon PSA.
Ang kinatibuk-ang external trade ming-usbaw ngadto sa USD20.38 bilyon gikan sa USD17.55 bilyon sa samang bulan niadtong miaging tuig, diin 64.6% niini mao ang imports ug 35.4% ang exports. Ang trade deficit misaka og 49.8% ngadto sa USD5.97 bilyon.
Ang exports mitubo og 6.3% ngadto sa USD7.21 bilyon, diin electronic products nagpabiling top export nga adunay USD3.44 bilyon, gisundan sa mineral products ug machinery ug transport equipment. Sa imports, electronic products gihapon ang pinakadako nga bahin nga nagkantidad og USD4.22 bilyon, samtang ang China nagpabiling pinakadako nga trading partner sa nasud.
