BUTUAN CITY – Naghatag ang gobyerno sa Japan og antiviral drug nga Avigan gikan sa ilang stockpile ngadto sa Britanya.
Sigon ni Health Minister Kenichiro Ueno, kini human nga midawat ang Britanya og mga pasahero gikan sa usa ka cruise ship diin nagsugod ang outbreak sa Atlantic Ocean, lakip na ang usa ka Hapon.
Ang paghatag sa tambal gibuhat base sa hangyo sa gobyerno sa Britanya ug sa memorandum of understanding tali sa duha ka nasod.
Sa pagkakaron, wala pa’y klaro nga tambal batok sa hantavirus, apan ang datos sa animal study nagpakita nga ang Avigan makapadugang sa survival rate sa mga pasyente ug ang paghatag sa tambal dili maka-apekto sa stockpile sa ilang nasud.
Nagpasalamat si Ueno sa Britanya sa pag-accommodate sa Hapon nga pasahero ug sa paghatag og health observation.
Samtang subay sa deklarasyon sa WHO nga public health emergency tungod sa Ebola outbreak sa Congo ug Uganda, gipanawagan ni Ueno sa katawhan nga magpabiling kalmado kay sa pagkakaron ubos pa ang risgo sa outbreak sa Japan.
