BUTUAN CITY – Dako gihapon ang pagpasalamat ni Brianna Nikola Ang, team captain sa NIR Visayan Vipers nga silver medal ang nakuha sa ilang team alang sa secondary girls’ volleyball finals sa Palarong Pambansa 2026.
Sa eksklusibong pakighinabi sa Bombo Radyo Philippines, gipadayag ni Ang nga mixed emotions siya karon nga palaro tungod kay katapusan na niya kining pag-apil tungod kay mag-college na siya karong pag-abli sa school year 2026-2027.
Wala niya gibutyag kung unsa nga tunghaan sa kolehiyo ang nag-recruit kaniya karon tungod kay mas tutukan una matud pa niya ang iyang transition sa college.
Hinuon nagpasalamat siya sa Ginoo ug sa tanang mga tawong maoy nahimong yawe sa iyang na-abot karon ilabina sa iyang mga coaches ug iyang ginikanan nga wala’y puol nga nag-ampo ug nagsuporta kaniya.
