BUTUAN CITY – Malipayong gisa-ulog sa katawhan sa China ang Lunar New Year kon Chinese New Year.
Sa eksklusibong pakighinabi sa Bombo Radyo Butuan, gibutyag ni Bombo international correspondent Kaye Sha Datulayta direkta gikan sa Beijing, China, nga karong gilu-agan na sa gobyerno sa China ang ilang mga restrictions kalabot sa Covid-19, libre nang nakagawas-gawas ang katawhan sa pagsugat sa bag-ong tuig.
Apan dili matud pa kabintahaan ang pagsugat sa mga Pinoy sa bag-ong tuig kumpara sa China tungod sa kabongga ug kadaghan sa handa natong mga Pinoy diha sa lamisa ingon man sa kabibo sukwahi sa China nga bisan og duna’y gipangluto apan simple lang.
Kini ang rason nga gimingaw gihapon siya sa paagi sa pagsa-ulog ug pagsugat sa mga Pinoy sa bag-ong tuig.
