BUTUAN CITY – Posible subling mosaka ang presyo sa mga produktong petrolyo, lakip na ang diesel ug gasolina, sa sunod semana.
Sumala sa pagbana-bana gikan sa oil industry source, mamahimong madugangan ang presyo sa diesel sa P2.00 hangtud P2.50 kada litro samtang ang gasolina usab P0.75 hangtud sa P1.25 kada litro.
Samtang mokunhod usab ang presyo sa kerosene sa P13.30 kada litro.
Sigon sa source nagpabiling taas ang presyo sa krudo tungod sa misamot nga geopolitical tensions sa Middle east nga nakaapekto sa pangkalibutanong suplay sa lana.
Samtang suportado usab ang pagtaas sa presyo sa gasolina tungod sa kakulangon sa supply ug pagkunhod sa refinery output sa nagkadaiyang nasud.
Tungod sa limitadong suplay sa krudo gikan sa Middle east, napug-ngan matud pang mogamit ang ubang refinery sa Asya sa mas ubos nga klase sa crude oil nga dili tukma sa ilang mga pasilidad.
Kasagarang ianunsyo sa mga kumpanya sa lana ang price adjustment matag Lunes ug gipatuman kini pagka-ugma adlaw nga Martes.
