BUTUAN CITY- Konektado matud pa ang nahitabong pinusilay sa Senado sa pagsibat ni Senador Ronald “Bato” dela Rosa.
Sumala ni Philippine National Police – Criminal Investigation and Detection Group (PNP-CIDG) chief PMaj. Gen. Robert Morico II, nga konektado ang duha ka insidente. Bisan paman, dili sa una niini unhan ang final nga resulta sa imbestigasyon sa Department of Justice (DOJ).
Gipadayag usab ni Morico, nga adunay usa ka backup pickup vehicle nga naghuwat gawas sa Senado human mingsibat sa building is dela Rosa ug ang iyang mga kaubanan.
Mingbalibad usab nga magkomento ang opisyal kung “staged” o gihimong hinungdan ang pagapamusil isip usa ka supervening event aron mahatagan og rason ang paglakaw sa senador.
Sa kasamtangan, unom ka indibidwal, lakip si dela Rosa, ang gipa-ilawom sa imbestigasyon alang sa posibleng paglapas sa obstruction of justice.
