BUTUAN CITY – Gi-anunsyo sa Department of Agriculture (DA) nga suspindehon ang pagbakuna sa mga baboy higayong makitang dili epektibo ang pagpamakuna nila kontra sa African Swine Fever (ASF). Ning nakalabayng adlaw, gi-testing ang nasangpit nga mga vaccines sa mga baboy sa Batangas, diin ningkabat sa 7,900 ka mga baboy ang nabakunahan tungod sa ASF outbreak.
Sumala ni Assistant Secretary for Swine and Poultry Constante “Dante” Palabrica, importante ang pag-monitor sa ka-epektibo sa bakuna, diin ang mga datus nga makuha, repasuhon sa Food and Drug Administration ug sa pribadong grupo sa mga scientists sa nasod.
Taliwala pa man nga naka-alokar na sila og 10,000 doses sa maong bakuna sa Batangas ug gikataho nga 60% sa mga nabakunahang baboy ang naka-develop na og mga antibodies sulod lang sa 14 ka mga adlaw, gikataho gihapon ni Palabrica nga gikinahanglan nilang undangon ang pagpamakuna ugaling makita nga dili kini epektibo arun maprotektahan ang kwarta sa mga tax payers.
