BUTUAN CITY – Gipadayag ni United States President Donald Trump nga temporaryong gipahunong ang US military operation aron papahawaon ang mga na-stranded nga barko paggawas sa Strait of Hormuz.
Gi-anunsyo kini ni Trump sa iyang Truth Social platform.
Iyang gipasabot nga nakab-ot ang desisyon base sa hangyo sa Pakistan ug ubang mga nasud tungod sa kamatu-uran nga duna’y natigayong kalambuan alang sa usa ka kompleto ug final agreement uban sa mga representante sa Iran.
Iyang gipadayag nga pareho matud pa nila kining nasabutan samtang ang naval blockade, magpabiling ipatuman ug epektibo.
Giklaro niini nga ang Project Freedom kon paglihok sa mga barko sa Strait of Hormuz, ipahunong una sa kasamtangan aron makita kung mahimo bang mapinalisar ug mapirmahan ang kasabutan.
