BUTUAN CITY- Gi-isa na ngadto sa full alert status gikan sa kanhi heightened alert ang Philippine National Police kon PNP isip obserbasyon sa Adlaw sa mga Mamumuo o Labor Day ugamang adlawa, May uno. Sumala ni PBGen. Randulf Tuaño, tigpamaba sa PNP, nga ubs sa full alert status gipatuman nila ang suspensyon sa mga leaves, gipahugtan ang police visibility, pagpakatap sa mga kapulisan ug activation sa mga support forces ingon man ang mandatory coordination sa mga nagkanda-iyang ahensiya.
Pagklaro niini nga wala pa silay bisan unsang hulga sa seguridad nga nadawat apan nagpabiling hugot ang ilang pagbantay o monitoring.
Anaa sa kapin 100,000 ka mga kapulisan ang gipangkatag kung asa kadaghanan niini anaa sa National Capital Region tungod sa maong lugar daghang mga aktibidad sa pagahimuon sa Adlaw sa Mamumuo.
Adunay coordination na usab ang PNP sa matag local government unit aron masuta kung pila ka grupo ang nakakuha na og permit aron mohimo og lihok protesta.
