BUTUAN CITY – Giklaro ni Nasipit, Agusan del Norte Mayor Enrico nga dili pa mahitabo karong semanaha ang pagpapa-uli sa 69 ka mga Caraganons nga overseas Filipino workers kon OFWs nga na-quarantine na sa kauluhang Manila kinsa gikatakda untang mu-abot kaganinang buntag.
Kini human nga gipasibog una kini sa mga opisyales sa Overseas Workers Welfare Administration kon OWWA ug sa MARINA-Central Office sa tinguhang subli silang mapa-ilalom sa reverse transcription – polymerase chain reaction kon RT-PCR test aron masiguro kung anaa pa ba kanila ang makamatay nga coronavirus o wala na.
Sa eksklusibong pakighinabi sa Bombo Radyo Butuan, gipadayag ni Mayor Corvera nga ang magnegatibo lang sa maong test ang pasakyon og barko pabaliki ning rehiyon samtang ang magpositibo, subling i-quarantine.
Gidugang ni Mayor Corvera nga base sa nasabutan sa Regional Task Force on COVID-19 One Caraga Shield, ang tanang mangabot nga mga OFWs kuhaon sa service vehicle nga gi-andam sa lokal nga kagamhanan diin sila nagpuyo.
Samtang sa pag-quarantine, didto na usab sila sa lugar nga nga ilang gipuy-an i-quarantine.
