Paghatag og 5-kilong bugas sa mga blood donors, posibleng ipadayon pa sa King MPC sunod tuig

BUTUAN CITY – Giklaro usab ni Ronio Ejares sa King Multi-Purpose Cooperative nga brainchild ni branch manager Karen Estoque ang paghatag nila og tag-lima ka kilong bugas ngadto sa unang 25 ka mga successful blood donors kaganina.

Tumong matud pa niini nga mas madasig pa ang katawhan pagdonar og dugo sa sunod nga pagpahigayon usab sa Dugong Bombo bloodletting activity.

Gawas pa, kabahin usab kini sa ilang civic obligation ngadto sa katawhan gawas pa nga pipila sa mga empleyado sa Bombo Radyo Butuan, mga membro usab sa maong kooperatiba.

Posible matud pang ipadayon nila kini sa musunod pang bloodletting activity sa maong kooperatiba.