BUTUAN CITY – Gibana-banang mu-abot sa 4.8-milyunes pesos ang damyos human gilamoy sa kalayo ang siyam ka mga balay ug establisamiento kaganinang buntag sa may St. Paul District sa Andres Soriano Avenue, Brgy. Mangagoy, Bislig City sakop sa Surigao del Sur.
Sa eksklusibong pakighinabi sa Bombo Radyo Butuan, gipadayag ni FO3 Arlone Ree Antonio sa Mangagoy Sub-Fire Station, gama sa mga kongkreto ug mga light materials ang mga nasunog nga istraktura.
Gitu-uhang faulty electrical wiring ang sinugdanan sa sunog tungod kay duna matud pa’y gi-charge sulod sa siradong kwarto sa gi-abangang pinuy-anan ni Ellen Guibosin kansa apil sa na-ugdaw.
Angol sa maong sunog nga mi-abot sa 3rd alarm ang usa sa ilang mga fire volunteers nga si Eric Noveno human nasamad sa ulo apan natambalan na.
