BUTUAN CITY – Mu-abot sa 23-milyones pesos ang inisyal nga damyos sa imprastraktura nga gibilin sa bagyong Auring sa Caraga Region.
Sa eksklusibong interview sa Bombo Radayo Butuan, gibutyag ni Department of Public Works and Highways (DPWH) Secretary Mark Villar nga nagpadayon pa ang ilang damage assessment sa tibuok rehiyon.
Sa pagpakakaron, maagi-an na ang tanang mga national roads nga temporaryong gisira tungod sa mga pagbaha ug mga landslides nga natala sa pagkuso-kuso sa maong bagyo.
Dugang pa sa kalihim, adiser pa misulod sa area of responsibility ang bagyo, naka-preposition na ang ilang mga assets aron masiguro nga makaresponde gilayon sila sa mga emerhensyang mahitabo tungod kay kini ang gipatutukan ni Pangulong Rodrigo Duterte.
Kini matud pa ang hinungdan nga ilang na-preposition ang 160 ka mga heavy equipment sa tibuok rehiyon ug kapin 660 nila ka mga personahe.
