-- ADVERTISEMENT --
BUTUAN CITY – Gibana-banang mu-abot sa 1.7-milyunes pisos nga kantidad sa 250-gramos nga gibug-aton sa suspected shabu ang nakumpiska sa mga otoridad atol sa gilusad nga drug buy-bust operation kaganinang alas-otso sa buntag sa may Purok 1, Kajima, Brgy. Doongan ning siyudad sa Butuan.
Nakuha kini gikan sa posisyon ni Marven Namoc-Lumindas, 24-anyos, duna’y kapuyo ug residente sa Brgy. Triangulo, Nasipit, Agusan del Norte apil na ang 5-gramos nga buy-bust item balor P15,000.00 nga gilangkuban sa usa ka libo ka pisos lang nga tinuod nga kwarta samtang boodle money na ang uban.
Migawas sa imbestigasyon nga ibaligya diay ang maong mga druga dinhi sa dakbayan sa Butuan ug sa Agusan del Sur.
