BUTUAN CITY – Gikumpirma ni kanhi Anakalusugan Partylist Rep. Mike Defensor nga anaa sa maayong kahimtang ni kanhi Marine Sgt. Orly Guteza.
Sa interview sa Bombo Radyo Philippines sa kanhi magbabalaud, gipadayag niini ang pakig-alayon ni Guteza kaniya, halos duha ka semana na ang nakalabay aron kumpirmahon nga anaa siya sa maayong kahimtang.
Sigon ni Defensor, taas nga panahon usab nga wala niya aka-istorya ang sarhento human ang una niyang paggawas sa Senado, hangtud nga hingpit pang gi-istorya kaniya sa usa niya ka kaila nga gipatay na ang kanhi marine sergeant.
Bisan pa man, nagpabilin matud pa si Guteza nga anaa sa luwas nga kahimtang kung asa man siya karon. Dugang pa ni Defensor, dili siya interesadong masayran ang nahimutangan karon sa kanhi sundalo alang na usab sa iyang kaluwasan.
Gibarugan usab sa kanhi magbabalaud nga ang gihimo ni Guteza subay na sa iyang tinguha nga mabulgar ang garapalang korapsyong diha sa anumalusong mga flood control projects sa gobyerno apan nasubo siya nga klarong gipungan pa kini sa gobyerno.
Bisan siya, nasuko na tungod kay nasayod siya kung unsa kadako ang nasayran ni Guteza sa gipangbulgar niining mga impormasyon apan siya pa hinuon ang gi-atake.
