BUTUAN CITY – Matapos karung adlawa ang gipahigayon sa Department of Education kon DepEd nga refresher course alang sa mga technical coaches ug officials sa nagkalain-laing sports events isip pagpangandam alang sa Palarong Pambansa 2026 nga gihimo sa D.O. Plaza Sports Complex.
Gisugdan kini kagahapong adlawa, Mayo 19, 2026 nga gitambungan nila ni Governor Santiago B. Cane Jr., mga opisyal sa DepEd, Olympic gold medalist nga si Hidilyn Diaz, ug mga technical officials isip suporta sa pagpangandam sa probinsya alang sa nasudnong sporting event.
Tinguha sa maong aktibidad nga mapalig-on ang kahibalo sa mga technical personnel may kalabutan sa safe sports, health protocols, fairness, ug kahapsay sa pagdumala sa kompetisyon.
Sa nahimong pamahayag ni Dr. Josita B. Carmen, Schools Division Superintendent sa Agusan del Sur, gitumbok niini ang kadakong tabang aron masiguro nga andam ang tanang technical officials subay sa national standards.
Gipa-ambit usab ni Hidilyn Diaz ang kamahinungdanon sa maong aktibidad. Sumala pa niini nga dugang kahibalo kini aron mas masayud sila mahitungod sa safety og unsaon pag-handle sa sports og sa atleta.
