Napalgang patay nga bata sa Brgy Dulag, Butuan City, kumpirmadong mao ang na-missing nga si Kobe

BUTUAN CITY – Emosyunal nga gi-ila ug gigakos sa iyang maguwang nga lalaki ang napalgang bata nga lalaki nga nasangit sa tulay sa Sitio Tagpulangi, Brgy. Dulag, Butuan City kaganina.

Naila ang biktimang si Jake Kobe Roem Bito, residente sa Brgy. Poblacion, lungsod sa Las Nieves, Agusan del Norte.

Madumdumang midangop gilayon sa Las Nieves Municipal Police Station ang kabanay sa biktima human nga katapusan kining nakita niadtong Marso 19 sa alas-tres sa hapon.

Sa inisyal nga pagbutyag sa maguwang sa biktima, gituyo pagkuha ang iyang manghod sa usa ka lalaki nga duna matud pa’y deperensya sa pangisip ug gidala sa pump boat hangtud nga wala na makita pa.