BUTUAN CITY – Aminado si Atty. Francisco G. Pobe Regional Director sa COMISSION on Election kon COMELEC- Caraga nga dako gayod ang nahimong epekto sa COVID-19 pag-abot sa hisgutanan sa nagpadayon nga voting registration alang sa 2022 presidential election.
Sa pakighinabi sa Bombo Radyo Butuan gipasibaw ni Pobe nga ang pagbago-bag-o sa restrictions nga ipakanaog sa matag Local Government Units ning rehiyon ang usa sa mga nagpalangan sa panglihok-lihok labi na sa mga presonahe niini nga mag-gikan dinhi syudad sanglit adunay ubang mga probinsya ang mangita una og negative result sa rapid test adiser makasulod.
Sumala ni Pobe taliwa nga nagpadayon usab hinuon ang pagrehistro sa kadaghanan area ning rehiyon apan wala usab niini gilimod nga adunay gayuy area nga ila unang gi-suspendido ang pagparehisro tungod na usab sa mga bag-ong restrictions mugna sa nagkataas nga kaso sa covid-19 partikular na sa Surigao del Sur ingong man ang igsuon niining probinsya nga Surigao del Norte.
Gipadayag usab sa opisyal nga usa sa dakong problema karon ug nagpabalda sa pagpahigayon sa voting registration sa ubang probinsya labi na sa Dinagat Islands ang kanunay pagkawala sa kuryente niini ,ingon man ang travel ban sa mga moving personnel nga gipatuman sa Siargao Islands.
Giangkon usab sa opisyal nga tungod ania siya nakadestiono sa Butuan nakasinati usab siya og discrimination labi na og mu-uli siya sa iyang probinsya butang nga iyab hinuon nasabtan apan aduna usab gayod pipila nga sobra ra ang pagtratar labi na kung masayran nga gikan sa Butuan ang usa ka indbidwal.
