BUTUAN CITY – Temporaryong gisuspende sa lokal nga kagamhanan sa Butuan City hangtud sa Disyembre 31 ning tuiga, ang pagpanukot og penalty ngadto sa mga motorized tricycle operators nga maulahi pag-renew sa ilang prangkisa apil na sa ilang Motorized Tricycle Operators Permit o MTOP.
Kini human gi-aprubahan ni Mayor Ronnie Vicente Lagnada ang Sangguniang Panlungsod (SP) Ordinance No. 6555-2022 nga nagtakda sa maong katuyuan ilabina sa mga wala pa naka-renew sa prangkisa sa ilang Motorized Tricycle motorized tricycle for hire, four-seater motorized tricycle for hire, ug motorela for hire.
Tumong niini nga makuha-kuhaan ang palas-anon sa mga drivers sa padayong pagsaka sa presyo sa gasolina.
Epektibo ang pagpatuman sa ordinansa human ang pag-apruba niini ni Mayor Lagnada niadtong Marso 29, 2022.
