BUTUAN CITY- Gipahayag sa House prosecution panel nga “ready” na sila alang sa posibleng pagsugod sa impeachment trial batok kang Vice President Sara Duterte sa Hulyo 6, sumala sa pamahayag ni Rep. Gerville Luistro ug Rep. Terry Ridon human sa anunsyo ni Senador Erwin Tulfo.
Sigon ni Luistro, positibo kini nga wala na’y babag sa pagsugod sa proseso ug giandam na sa panel ang mock trials, listahan sa mga saksi, dokumentaryo ug video evidence, ug estratehiya sa presentasyon sa matag artikulo sa impeachment. Samtang gipaslamatan usab ni Ridon ang Senado sa pagtudlo og petsa ug nagkanayon nga andam ang panel nga mopakita sa ebidensya bisan pa kung dili motubag o motunga si Duterte sa pagtaral.
Ang panel nagplano nga magsugod sa “pinakasimple” ug “pinakakusgan” nga artikulo aron dali nga ma-establish ang kaso, samtang gipangandaman usab ang pag-apil sa mga pro-bono private prosecutors. Giinsistir ni Luistro, nga importanteng personal nga motambong ang mga senador-judges sa trial aron masusi ang pamatasan sa mga saksi ug ang ebidensya nga ipresentar.
