-- ADVERTISEMENT --
BUTUAN CITY – Wala na maka-abot pang buhi sa District Hospital sa Nasipit, Agusan del Norte usa ka motorista human kini milagpot gikan sa iyang gimanihuang motorsiklo human gibanggaan ang nakaparadang traysikol pasado las-6:40 kagabii sa may Purok 1, Brgy. Rizal, Buenavista, Agusan del Norte.
Naila ang biktimang si Sherwin Dalagan, 41 anyos, residente sa Brgy. Sangay sakop sa maong lungsod.
Migawas sa inisyal nga imbestigasyon nga pa-uli na unta ang biktima apan pag-abot sa dapit nga nahitabuan, nabanggaan niini ang nakaparadang traysikol hinungdan sa iyang pagkalagpot nga miresulta sa iyang kamatayon.
