BUTUAN CITY – Nag-courtesy call ang World Food Programme ngadto sa Department of Social Welfare and Development-Caraga subay sa ilang tinguhang magtukod og Mindanao Disaster Resource Center dinhi sa Butuan City.
Gipangunahan kini nila Country Representative Brenda Barton, Emergency Coordinator Hannes Goegele, Deputy Emergency Coordinator Zia Hassan, ug Communication Assistant Haelin Jeon, kauban si World Food Programme-Caraga Head Lourdes Ibarra.
Gipadayag ni Barton ang kamahinungdanon sa paghi-usa alang sa katumanan sa proyekto.
Gibutyag usab ni Department of Social Welfare and Development Caraga Regional Director Mari-Flor Dollaga nga ang budget allocation sa maong pasilidad mahatag lang ugaling ma-andam na ang documentary requirements.
Samtang sa kabahinan ni Assistant Regional Director for Operations Jean Paul Parajes, giklaro niini nga tungod sa hugot nga koordinasyon ngadto sa Local Government Unit sa Butuan City, natakda na ang pagbalhin sa titulo sa yuta ngadto sa Department of Social Welfare and Development karung Disyembre ning tuiga.
Ang Mindanao Disaster Resource Center usa ka pasilidad nga gidesenyo nga makapondo ug daghang food ug non-food items kansa magsilbing command post sa processing, storage, ug distribution sa relief items sulod sa Mindanao ubos sa pagdumala sa DSWD.
