BUTUAN CITY – Suportado sa mayoriya sa mga Pinoy apil na sa mga Filipino-Americans sa Estados Unids ang administrasyon ni Pangulong Ferinand ‘Bongbong’ Marcos Jr. KIni bisan pa man nga duna’y pipila lang ka ihap sa mga Fil-Ams nga nagrali sa pag-abot pa lang sa pangulo ngadto sa Washington DC alang sa upat ka adlaw niining state visit sa maong nasud.
Sa eksklusibong pakighinabi sa Bombo Radyo Butuan, gipadayag ni Bombo international news correspondent Grace Divina Valera, presidente sa Ilocano Society of America, direkta sa Washington DC nga usa siya sa kapin usa ka libo ka mga Pinoy nga membro sa Filipino community nga nahatagan og kahigayunan nga mahimamat ang pangulo kagahapon.
Atol sa pagpamulong sa pangulo, gipadayag niini nga anaa gihapon kaniya ang tinguhang mapatuman ang iyang mg gisaad atol ‘pa sa pagpangampanya ilabina ang inanay nga paghaw-as sa katawhan gikan sa kalisod dayong hangyo kanilang mga overseas Filipino workers nga ipadayon ang pagtabang sa Pilipinas.
Kini aron pag-abot matud pa sa panahon nga manguli na ang nanglangyaw nga mga Pinoy, dili na sila manarbaho og balik gawas sa nasud.
Gipaboran usab nila ang panawagan sa pangulo nga pabisitahon sa Pilipinas ang second generation sa ilang kaliwatan ilabina kadtong atua na nagdako sa Amerika sa ingon makakutay gihapon sila sa ilang Filipino heritage ug ilang kaliwatan.
Samtang ilang gipa-abot ngadto sa delegasyon sa pangulo ilabina sa Department of Migrant Workers nga paligunon ang mga kasabutan tali sa kagamhanan aron maminusan na ang mga human trafficking dili lang sa US kondili apil na sa ubang mg nasud diin daghang mga Pinoy ang nanga-ilad.
Okey lang matud pa sa Amerika tungod kay ubay-ubay nga mga kahugpungan ang mutabang sa mga kababayan nga dili swertihon sa maong nasud.
