BUTUAN CITY – Gipadayag ni Presidential Communications Operations Office (PCOO) Secretary Martin Andanar nga nakighinabi na siya kang Vaccine czar Carlito Galvez Jr. aron ilakip ang mga media men sa Pilipinas sa unang 2-milyunes ka mga tawong tupukan sa mu-abot unya nga COVID-19 vaccine sa nasud.
Giklaro ni Andanar, angayan lamang malakip sa unang matupukan ang mga media personalities sanglit gikonsidera usab silang mga front liners ug dako ang ilang matabang sa pagpasabot sa katawhan ilabina kadtong mga dunay pagduda nga ang gipalit nga bakuna sa gobyerno luwas ug epektibo.
Gibutyag usab ni Andanar nga andam siya magpatupok sa bisan unsang bakuna nga appropado sa Food Drug Administrasyon aron ipakita ug ipamatuod nga luwas ang bakunang paliton sa gobyerno dungan sa pag-awhag sa mga ka-ubanan niini nga magpatupok usab atubangan sa publiko.
Gi-anunsyo usab ni Andanar anaa sa 56,000 medical frontliners ug hospital staff sa COVID-19 referral hospitals anaa sa sa first in line nga mabakunahan sa 117,000 Pfizer doses nga i-supply pinaagi COVAX facility nga kansa gilaumang muabot sa nasud karong buwana.
Aduna na usab matod pa 4 ka mga proposed referral hospitals ang natumbok sa Metro Manila alang sa unang tranche sa inoculation nga kansa mao ang Philippine General Hospital (PGH) , Lung Center of the Philippines ug East Avenue Medical Center in Quezon City, ug Dr. Jose Natalio Rodriguez Memorial Medical Center (Tala Hospital) sa Caloocan City.
Gipadayag usab niini nga prayoridad usab gihapong sa gobyerno ang mga prioritize health workers, senior citizens, ug uniformed personnel sa vaccination.
