BUTUAN CITY – Libuton sa mga fish examiners sa Bureau of Fisheries and Aquatic Resources kon BFAR-Caraga ang tanang kamerkaduhan ning rehiyon aron matubag ang isyu kalabot sa gipangbaligyang mga isdang nakuha human matud pa gipabuthan.
Gipasalig kini ni BFAR-Caraga Assistant Regional Director Edgar Balambao sa eksklusibong pakighinabi sa Bombo Radyo Butuan, bisan pa man sa kakulang sa ilang mga personahe.
Gibutyag niining sa ikaduhang kwarter sa tuig 2019, nadiskubrehan nila ang ingon niini nga modus kon pagpamaligya sa mga fish vendors og mga isdang gidinamitahan sa may Langihan public market.
Bugtong gihulat na lang matud pa nila nga madawat na sa ilang gibansay nga mga fish examiners ang certificate aron mas mapakusgan pa ang ilang paglibot sa kamerkaduhan sa ingon ma-monitor ang klase sa mga ilang gipangbaligyang isda kansa masayran lang kung ma-ablihan na ang tiyan niini ug makita nga bungkag ang tinai niini.
