BUTUAN CITY – Gimanduan na sa Office of the Civil Defense (OCD) Caraga ang tanang mga local government units nga magpahigayon na og pre-emptive evacuation ilabina sa mga high-risk areas nga prone sa baha, landslide, ug storm surge.
Samtang ang Department of Interior and Local Government kon DILG-Caraga, padayon usab sa paghatag og mga advisories sa mga LGUs kansa gitambagang ipatuman ang Operations LISTO protocols.
Naka-preposition na usab ang Department of Social Welfare and Development kon DSWD-Caraga ang mga family food packs ug mga non-food items sa mga strategic locations sa rehiyon dungan sa pag-alerto na sa ilang Quick Response Teams (QRTs) alang sa dinali-ang mobilization.
Gawas pa, andam na usab ang Department of Health-Center for Health and Development kon DOH-CHD Caraga alang sa ilang mga naka-preposition nga medical supplies sa mga lugar samtang naka-standby na usab ang Rapid Health Assessment and Medical Teams alang sa posibleng deployment, apil ang Department of Public Works and Highways kon DPWH Caraga alang sa pag-monitor sa mga kondisyon sa kadalanan ug mga tulay sa tibuok rehiyon ug naka-preposition na ang ilang mga sakop apil na ang mga ekwepo alang sa himuong road clearing ug rescue operations.
