BUTUAN CITY – Masaksihan pinaagi sa telebisyon ang paglubong kang Prince Philip karung Abril 17 adlaw nga Sabado, adlaw’ng Dominggo – oras sa Pilipinas tungod kay i-cover live man kini sa tanang TV stations sa United Kingdom.
Sa eksklusibong pakighinabi sa Bombo Radyo Butuan kang Melisa Grace ‘Mel’ Dizon direkta gikan sa London,United Kingdom, gibutyag niining gikan sa pribadong kapilya sa Windsor Castle, dalhon ang patay’ng lawas ni Prince Philip kini paingon sa St. George’s dinhi na himoon ang paglubong ingon man aduna usa’y himuong prusisyon pasado alas-3 sa hapon ug usa ka minuto nga paghilum sa tibook nasud isip paghatag og respeto sa prinsipe.
Gibutyag niining atol sa guneral service, limitado lang hangtod sa 30 ka mga tawo ang tugutan nga makatambong kondin langkuban kini sa tibook myembro sa Royal family apan walay labot niini si Meghan Markle tungod kay mabdos kini ug base na usab sa tambag sa iyang doktor nga magpabilin na lang sa Amerika.
Samtang gi-awhag usab sa Buckingham Palace ang tanang mubisita nga kung mahimo maghatag nalang og donasyon ngadto sa ilang Charity Organization imbis nga buwak tungod kay kini ang pinaka ulahi nga tugon sa Prinsipe.
Gawas sa personal nga pagbisita aduna usay gigamit ang Buckingham Palace nga online app kondiin mahimo nga dinhi magbilin og mensahe ngadto sa Prinsipe aron malikayan ang paghugoy-hugoy sa uban tawo ilabina nga pabilin pang nagtunhay ang covid-19 pandemic.
Sigon pa ni Dizon, bisan og mitaliwan na ang Prinsipe, padayon gihapon nga tabangan ang mga charity organizations nga gitabangan niini ug ang musunod sa iyang Duke of Edinburgh award mao ang kinamanghurang anak niining si Prince Edward. Sa karun ang tanang bandila sa nasud naka half-mas lang isip sinyales sa pagbangotan sa nasud sa pagkamatay ni Prince Philip.
Sa kasamtangan, wala pa’y official nga ganunsyo ang Buckingham Palace sa mahimong mahitabo unya human sa paglubong kang Prince Philip ilabina nga buhi pa si Queen Elizabeth.
Samtang hangtod karun pabiling anaa lamang sa panimalay ang mga tawo sa United Kingdom taliwa nga partially na nga gitang-tang ang ilang lockdown tungod sa covid-19.
Gani ning semanaha lang dunay gitugutan na nga mag abli sama sa mga tindahan og shops apan dunay pipila ka mga tawo sa maong lugar ang nawad-an na sa trabaho.
Sa karun usab, ubos na ang matala nga kaso matag adlaw dili susama sa miaging buwan nga taas ang mga nalistang kaso sa covid-19.
Padayon usab ang ilang vaccination roll out apan mga senior citizens, vulnerable o kadtong dunay mga comorbidity ang gi-una pagtupok sa bakuna ug anaa na sa 30 milyun ka mga tao na ang nahatagan sa bakuna.
