Mag-uuma patay human nakurentihan dihang nana-an og isda sa sapa

BUTUAN CITY – Gihaya na sa usa ka pribadong punerarya ning siyudad ang usa ka mag-uuma human nakuryentehan samtang mihumol sa sapa kagabii.

Naila ang biktimang si Romeo Calvo Ensenada, 56-anyos, ug residente sa Purok 4, Brgy. Amparo, Butuan City.

Sa report nga nakuha sa Butuan City Police Office, gibutyag matud pa ni Kapitan Cantancio nga napalgan na ang ang biktima sa may Bitan-agan creek sa Brgy. Amparo.

Migawas sa inisyal nga imbestigasyn nga gihumol sa biktima ang katunga sa iyang lawas ngadto sa sapa aron susihon unta ang iyang gitaan nga taga sa kilid dihang aksidente niining natamakan ang naputol nga primary line gikan sa poste rason sa iyang pagkakuryente nga misangpot gilayon sa iyang kamatayon.