BUTUAN CITY – Sa ikaduhang higayon, subling nasangad ang M/V Reina Xaviera sa Montenegro Shipping Lines Inc. human mibiya sa pantalan sa Dapa, Siargao Island, lalawigan sa Surigao del Norte pasado alas-5:00 kagahapon sa hapon dihang padulong na unta kini sa Surigao City tungod sa paghunas sa dagat.
Malampuson usab ang gipahiyagong rescue operation sa mga pasahero nga gihimo sa mga sakop sa PNP Maritime, Philippine Coast Guard (PCG) Rescue Team gikan sa LGU Dapa ug uban pang mga rescue teams.
Madumdumang niadtong Mayo 27, mi-abag usab ang Philippine Coast Guard (PCG) Sub-Station Dapa sa pag-rescue sa 38 ka mga pasahero sa M/V Riena Xaviera human nasangad sa kadagatan sa Dapa dihang nakasinati og engine malfunction samtang paduol na unta sa Dapa Port tungod sa kusog nga huros sa hangin nga dala niadtong higayuna sa bagyong Betty.
