BUTUAN CITY – Dako’g kausaban ang selebrasyon karun sa pagsugat sa bag-ong tuig sa Washington DC sa Estados Unidos, tungod sa padayon pa nga pagtala og kaso sa COVID-19.
Sa eksklusibong pakighinabi sa Bombo Radyo Butuan, gibutyag ni Susan Ventolero direkta gikan sa Washington DC, igo lamang sila sa pagpalit og mga simpleng dekorasyon alang sa pagsugat sa tuig 2021 tungod kay ginadili man sa ilang lugar ang pagdawat og mga bisita ilabina nga balik-lockdown ang ilang lugar.
Bawal usab ang paggamit og mga pabuto aron makalikay usab sa disgrasya.
Samtang sama sa mga na-andan sa handaang Pinoy atol sa pagsugat sa bag-ong tuig, aduna gihapo’y mga handaan og dili na mawala dinhi ang spaghetti alang sa long life ug mga simpleng mga putahe.
Gani tungod sa pagdeklara og lockdown sa ilang lugar daghang mga negosyo ang nagsira sama sa mga restuarants ug ang uban gilimitahan lamang sa hangtod alas 10 sa gabii ug tungod usab niini, daghan ang nawad-an og mga trabaho.
Samtang nagsugod na usab sa Amerika ang pagbakuna batok sa COVID-19 apan kadto lamang mga health care workers kon mga frontliners sa virus.
Sumala pa ni Susan nga daw sa iyang nahinabi nga iyang higala nga natupukan na sa vaccine, nga daw walay nasinati ang reaksyon niini ingon man nga human sa duha ka semana balik tupok na usab ang una nga nabakunahan niini.
