-- ADVERTISEMENT --
BUTUAN CITY – Padayon pang gisuta sa ginsakpan sa Butuan City Police Station kon BCPS-1 ang kinatibuk-ang kantidad ug ihap sa nadala nga mga alahas human gilimas sa gitu-uhang duha ka mga kawatan ang usa ka jewelry shop sa Gaisano Mall ning siyudad sa Butuan ning mi-aging alas-dos sa kaadlawon.
Base sa inisyal nga imbestigasyon, nakasulod sa Pure Saudi 18K jewelry shop nga gipanag-iyahan sa Chinese nga si Yanjing Wang, 35-anyos, dalaga ug residente sa Brgy. Dagohoy ning siyudad, ang mga suspek agi sa gibangagan nila nga bungbong sa mall tungod mismo sa shop.
Padayon pa usab nga gi-ila ang mga responsable gamit ang CCTV footage sa maong mall.
